پاڵەوانانی رق وکینە

الصفحة الرئيسية > تقارير الرصد الإعلامي > پاڵەوانانی رق وکینە

ماڵی راگەیاندنی عێراقی

دامەزراوەی "بیت اڵاعلام العراقی– ماڵی راگەیاندنی عێراقی" راپۆرتی خۆی تەواوکرد، بۆ رووماڵکردنیبەرنامە گفتوگۆ ئامێزەکان لە کەناڵە ئاسمانیە عێراقیەکان، کە هەرهەموویان باسیان لە بارودۆخی سیاسی گشتی، ودۆسیە ئەمنی وئابووریەکان کردووە لەگەڵ ئەو روداوانەی لەعێراق روویانداوە لە ماوەی نێوان 1/7/2015 تا 31/12/2015 .

ئەم راپۆرتەی رووماڵە نوێیەکە نزیکەی 500 ئەڵقەی بەرنامە گفتوگۆ ئامێزە جیاوازەکان لەخۆدەگرێت کە لە ١٥ کەناڵی ئاسمانی لۆکاڵی پێشکەشکراون کە لەناوخۆو دەرەوەی عێراق پەخش دەکەن، ورووماڵکارەکانی "بیت اڵاعلام العراقی– ماڵی راگەیاندنی عێراقی" چاودێری نزیکەی 25000 خولەکی تەلەفزیۆنیان کردووە، کە گفتوگۆ ولێدوانی 375 میوانی لەخۆگرتووە کە میوانەکان بریتی بوون لە سیاسیەکان وئەندامانی ئەنجومەنی نوێنەران ولێپرسراوانی حکومی، وئەکادیمی ورۆژنامەنوس وشارەزا وشرڤەکارانی سیاسی وئەمنی.

راپۆرتی رووماڵکردنی گفتوگۆکان لە کەناڵە ئاسمانیە عێراقیەکاندا بە گەورەترین راپۆرتی "بیت اڵاعلام العراقی– ماڵی راگەیاندنی عێراقی" دادەنرێت لە سەرەتای دەستبەکاربونیەوە لە ساڵی ٢٠١٥، ویەکەم راپۆرتیشە لەسەر ئاستی چاودێری کردنی پەخشی بینراوی عێراقی لە دوای ساڵی ٢٠٠٣ ەوە.

بۆیە "بیت اڵاعلام العراقی– ماڵی راگەیاندنی عێراقی" رایدەگەیەنێت کە راپۆرتی چواردەیەم بەژمارەیەک رادێر وچاودێری ئێجگار دیاریکراو بەرهەمهێنراوە، بە بەراورد بەسروشت وڕێسا وپێداویستیەکانی رووماڵی تەلەفزیۆنی، هەرچەندە کە راپۆرتەکە هەموو کەناڵە ئاسمانییە عێراقییەکانی وەرنەگرتووە، بەڵام توانیویەتی ١٥ کەناڵ وەربگرێت بەجۆرێک پارێزگاری بکات لە هەمەجۆری سیاسی ورۆشنبیری، وئاراستە هزریەکان وقوتابخانە جیاوازەکانی راگەیاندن.

یەکەم: شرۆڤە تەلەفزیۆنیەکان

بەرنامە تەلەفزیۆنیەکان

١- تەلەفزیۆن لەگرنگترین هۆکارەکانی راگەیاندنە لە سەردەمی هاوچەرخدا ولە هەموو هۆکارەکانی دیکە کاریگەری زیاترە.

٢- تەلە فزیۆن پێشکەوتنی زۆرگەورەی لە تواناکانیدا بەخۆوە بینیوە لەسەر ئاستی دەنگ وڕەنگ وجوڵە وکارتێکەرەکان بەهەموو جۆر وچەشنەکانیەوە، جۆری شاشە وقەبارەی وتواناکانی، وتەکنیکەکارلێکەرەکان، وتەکنیکەکانی روونی بەرز وباڵا.

٣- تەلەفزیۆن جیادەکرێتەوە بە بڵاوبونەوەی بە پەخشی راستەوخۆ بەهۆی مانگە دەستکردەکانەوە، بەجۆرێک کەناڵێکی ئاسمانی دەتوانێت بگاتە تەواوی کیشوەرەکانی جیهان لە ڕێگەی تەنها شەش مانگی دەستکردەوە.

٤- تەلەفزیۆن هەموو کات بەردەستە بۆ هەموو بینەران، بەشێوەیەکی هەمیشەیی وبەردەوام.

ناوەرۆکی تەلەفزیۆن؟

١- هەواڵەکان.

٢- دراماکان، وەکو زنجیرە وفیلم وشانۆگەرییەکان.

٣- گۆرانی ومۆسیقا.

٤- گواستنەوەی بۆنە وڕوداوەکان، جا چ دینی بن یان کۆمەڵایەتی یان سیاسی یان وەرزشی.

٥- بەرنامە تەلەفزیۆنیەکان بە پۆلێن وجۆر وقاڵبە جۆراوجۆرەکانیانەوە.

ناوەرۆکی هەمەرەنگ زۆربەی جار لە کەناڵە گشتگیرەکاندان، بەڵام کەناڵە تایبەتمەندەکان، کاریان تەنها لەسەر یەک جۆر لە ناوەرۆکە.

پۆلێنی بەرنامە تەلەفزیۆنیەکان؟

پۆلێن کردنی بەرنامە تەلەفزیۆنیەکان بەپێی چەند پێوەرێک دەبێت، کە ئەوانیش بەم شێوەیەن:

١- ئەر ک یان ئامانج: راگەیاندن، خۆشی ورابواردن، رۆشنبیرکردن، فێرکردن، ریکلام.

٢- ناوەرۆک وناوەخن: دینی، سیاسی، ئابووری - رۆشنبیری- وەرزشی- هونەری - زانستی.

٣- جەماوەر(بینەران): تەواوی کۆمەڵگە - منداڵان - گەنجان - ژنان- دەستەبژێرێکی تایبەت... هتد.

٤- سوڕی پەخش: رۆژانە، هەفتانە، مانگانە، دووهەفتە جارێک.

٥- کاتی پەخش: بەرنامەی بەیانیان، بەرنامەی نیوەڕوان، بەرنامەی ئێواران، بەرنامەی شەوان.

٦- زمان: زمانی عەرەبی فوسحە- زمانی قسەکردنیئاسایی–زمانێکی بیانی–زمانێکی بیانی وەرگێڕدراو.

٧- شێوە یان قاڵبی هونەری: ئاخاوتن، گفتوگۆ، لێکۆڵینەوە، گۆڤار.

بەرنامەی تەلەفزیۆنی؟

"بیرۆکەیەک یان کۆمەڵە بیرۆکەیە لە قاڵبێکی دیاریکراوی تەلەفزیۆنیدا دادەڕێژرێت، بە بەکارهێنانی دەنگ وڕەنگ بە هەموو وردەکاریە هونەریەکانیەوە، بۆ بەدیهێنانی ئامانجێکی دیاریکراو".

قاڵبی بەرنامە تەلەفزیۆنیەکان

١- قاڵبی گفتوگۆی راستەوخۆ.

٢- قاڵبی گفتوگۆ ودیمانە.

٣- قاڵبی خوانی بازنەیی (کۆڕبەند).

٤- قاڵبی جەماوەری بەشداربوو.

٥- قاڵبی دادگاییکردن.

٦- قاڵبی فیلم وپێشکەشکاری بەرنامە.

٧-. قاڵبی پێشبڕکێ.

٨- قاڵبی هەمەڕەنگ.

٩- قاڵبی لێکۆڵینەوە.

١٠- قاڵبیروخسار یانبەرنامەی تایبەت.

١١- قاڵبی گۆڤاری تەلەفزیۆنی.

گفتوگۆی راستەوخۆ

ئەمەش ساناترین جۆری بەرنامەیە، کە تەنها یەک قسەکەر هەیە، قسەکانی ئاراستەی جەماور(بینەران)ی شاشە، یان جەماوەری ستۆدیۆ دەکات.

وە بە تەواوی پشت بە کەسایەتی کەسی قسەکەر دەبەستێت.

ومن مواێفات المتحدپ الناجح ما یڕتی لە تایبەتمەندیەکانی قسەکەری سەرکەوتوو:

١- قبوڵکراو بێت لە شکڵ وشێوەدا، ودەنگ ودووانی سازگار وباوبێت.

٢- توانای خستنەڕووی بابەتەکەی هەبێت بە ڕوونی وبە ئاسانی.

٣- توانی سەرن جراکێشانی بەردەوامی هەبێت.

٤- داوی زۆر نەبێت، ودوور بێت لە هەستی دروستکراو.

گفتوگۆ ودیمانە

ئەو بەرنامەیەیە کە گفتوگۆی نێوان دوو کەس دەخاتەڕوو بەرەو ئامانجێکی دیاریکراو.

لەڕووی ئامانجەوە هفتوگۆ دەکرێت بە سێ بەشەوە:

١- گفتوگۆی زانیاری: کە ئامانجی دەستکەوتنی زانیاری دیاریکراوە لە میوانەکە وەک بەئاگایەک یان سەرچاوەیەکی زانیاری، دەربارەی کێشەیەک یان روداوێک.

٢- گفتوگۆی ڕا: کە ئامانجی زانینی ڕای میوانەکەیە لە پرسێکدا، یان زانینی ڕای خەڵکانی ئاسایی لە کارێکی دیاریکراودا.

٣- گفتوگۆی کەسێتی: کە ئامانجی ناساندنی لایەنەکانی کەسێتی میوانەکەیە بە بینەران، جا میوانەکە لە کەسانی ناسراو بێت یان نەناسراو.

پێکهاتەکانی گفتوگۆی سەرکەوتو چەند پێکهێنێک لەخۆ دەگرێت کە پەیوەندارە بە پێشکەشکار، ومیوان، وبابەت، وپرسیارەکان، وکات، وشوێن، وزمان، وجەماوەر(بینەران)ەوە.

دووەم: بارودۆخی بەرهەمهێنانی راپۆرتی چاودێری

"بیت اڵاعلام العراقی– ماڵی راگەیاندنی عێراقی" ئاماژە بەوە دەکات کە رادێر و چاودێرەکانی رووبەڕووی ئاستەنگی جدی بونەتەوە لە دیاریکردنی مادە ئەرشیفیەکان بەهۆی ئەوەی هەندێک لە کەناڵە عێراقیەکان بەرنامەکانی خۆیانخراپ دۆکۆمێنت کردووە لە پێگەی تایبەتی خۆیاندا لەسەر پێگەی "یوتیوب"، یان لە پێگەکانیان لەسەر تۆڕی ئینتەرنێت، ولەمبارەیەشەوە "بیت اڵاعلام العراقی– ماڵی راگەیاندنی عێراقی" کۆمەڵێک تێبینی تۆمارکردووە:

١- چەند ئەڵقەیەک لەسەر شاشە پەخش کراوە بەبێ ئەوەی لەسەر پێگەی ئەلکترۆنی دابنرێت.

٢- تۆماری دەنگی وڕەنگی خراپی هەندێک لەو ئەڵقانەی کە لەسەر پێگەکان دانراون.

٣- دانانی هەندێک لە ئەڵقەکان بەپچڕپچڕی ان بە تەواونەکراوی.

٤- پشتگوێ خستنی بەدۆکۆمێنت کردنی کاتی پەخشی ئەڵقەکان لەکاتی دانانیدا لەسەر تۆڕی ئینتەرنێت.

ناوی ئەو کەناڵانەی چاودێریان بۆ کرا:

کەنالەکانی (الاتجاه، ڕفاق، الغدیر، الفرات، الرافدین، التغییر، دجلە، السومریە، البغدادیە، الرشید، العراقیە، الشرقیە، هنا بغداد، العهد، الفیحاء).

چوارەم: بەرنامە بەئامانج گیراوەکان

١- لە کەناڵی (آفاق)،بەرنامەی (الحد الفاێل).

٢- لە کەناڵی (الغدیر): بەرنامەی (منگقە خاێە).

٣- لە کەناڵی (العهد): بەرنامەی (کلام وجیه).

٤- لە کەناڵی (الرشید): بەرنامەی (الساعە الڕخیرە).

٥- لە کەناڵی (العراقیە): بەرنامەکانی (العراقیە والحدپ - بعد التاسعە - تحت خگین - ێناعە اڵارهاب).

٦- لە کەناڵی (هنا بغداد): بەرنامەی (بدون تحفڤ).

٧- لە کەناڵی (السومریە): بەرنامەی (خفایا معلنە).

٨- لە کەناڵی (الشرقیە): بەرنامەی (الخلاێە).

٩- لە کەناڵی (البغدادیە): بەرنامەی (حوار عراقی).

١٠- لە کەناڵی (دجلە): بەرنامەی (بێراحە مع عدنان الگائی).

١١- لە کەناڵی (الفیحاء): بەرنامەی (الملحق).

١٢- لە کەناڵی (الاتجاه): بەرنامەی (الشاخێ).

١٣- لە کەناڵی (الرافدین): بەرنامەی (حوار المساء).

١٤- لە کەناڵی (التغییر): بەرنامەی (الشارع العراقی).

١٥- لە کەناڵی (الفرات): بەرنامەی (مع الحدپ).

پێنجەم: چینە چاودێریکراوەکان

لە کاتی چاودێریکردنیدا بۆ بەرنامە گفتوگۆ ئامێزەکان "بیت اڵاعلام العراقی– ماڵی راگەیاندنی عێراقی" ڕەچاوی ڕووماڵ کردنی ئاراستە جپراوجۆرەکانی راگەیاندنی کردووە لە پەخشی بینراوی عێراقیدا، ئەوەش بەم شێوەیە:

١- کەناڵی پارەدارکراو لەلایەن دەوڵەتەوە.

٢- کەناڵە پارەدارکراوەکان لە کەرتی گشتیەوە (کۆمپانیاکان، کەسایەتیەکان).

٣- ئەو کەناڵانەی پارەدارکراون بە پارەی سیاسی (حیزبەکان، بزوتنەوەکان، کەسایەتیەکان).

٤- ئەو کەناڵانەی کەم وزۆر، بەناوی تایفی وکۆمەڵە ئایینی وئیتنیەکانەوە دەدوێن.

شەشەم: پێوەرەکان

لە راپۆرتەکەیدا "بیت اڵاعلام العراقی– ماڵی راگەیاندنی عێراقی" بۆ چاودێری بەرنامە گفتوگۆ ئامێزەکان پشتی بە کۆمەڵێک پێوەر بەستووە بەم شێوەیەی خوارەوە:

١- ئەدای پێشکەشکاری بەرنامەکان لەلایەک: راشکاوی لە پرسیارکردندا، پابەندبوون بە پێوەرەکانی بێلایەنی، دابەشکردنی کات لە نێوان میوانەکاندا، بەخشینی سەربەستیی پێویست بۆ دەستکەوتنی وەڵام.

٢- دەرکەوتنی میوانی ئەڵقەکان لەلایەک: خستنەڕووی زانیاریەکان بە بەڵگە وگەواهیەوە، بەکارهێنانی ئەو دەستەواژانەی هانی ڕق لێبونەوە دەدەن بەهەموو شێوەکانیەوە، هەوڵدان بۆ کاریگەری خستنە سەر رای گشتی لەڕێگەی هەڵبەستن وشێواندن وتەشویشەوە.

حەوتەم: تەوەرەکانی رووماڵی راگەیاندن

ئەو بەرنامە گفتوگۆ ئامێزانەی کە چاودێری کراون، رووماڵی دۆسیە عێراقیە جۆراوجۆرەکانیان کردووە، و"بیت اڵاعلام العراقی– ماڵی راگەیاندنی عێراقی"یش گەیشتۆتە ئەم پوختانە:

١- بەرنامە چاودێریکراوەکان، بەدوای هەمان روداوەوە بوون ئەگەر چی لە کەناڵی جیاجیاوە پەخش کراون. بەشێوەیەک کە ٧ کەناڵ لە کۆی ١٥ کەناڵ چەند ئەڵقەیەکیان لەسەر ئازادکردنی تکریت پەخش کردووە لە ماوەی یەک هەفتەدا، و١١ کەناڵیش ژمارەیەک ئەڵقەیان لەسەر ئازادکردنی موسڵ کردووە لە ماوەی دوو هەفتەدا.

٢- ٤ کەناڵ ٣ ئەڵقەی یەک لەدوا یەکیان لەسەر یەک دۆسیە پەخشکردووە، وەک لە "حەشدی شەعبی، جەنگ دژی داعش، رزگارکردنی موسڵ".

٣- دۆسێکانی "بودجە، حەشدی شەعبی، داعش، رزگارکردنی موسڵ، رزگارکردنی ئەنبار" زۆرینەی کاتەکانی پەخشیان بەرکەوتووە لەماوەی چاودێریکردنەکەدا.

هەشتەم: ئەنجامەکان

١- جۆراوجۆری: لە راپۆرتی چواردەیەمدا "بیت اڵاعلام العراقی– ماڵی راگەیاندنی عێراقی" چاودێری پابەندی کەناڵە ئاسمانیەکانی کردووە بە خستنەڕووی هەموو ڕاوبۆچونە سیاسی وئەمنیە جیاواز ودژبەیەکەکان، بۆ جەماوەر(بینەران) ئەوەندەی پەیوەندار بووبێت بە ڕووماڵ کردنی روداوێک لە میانەی گفتوگۆکاندا، وراپۆرتەکە گەشتۆتە ئەم پوختەیە:

ڕ- نزیکەی ٩٠% لە میوانی ئەو کەناڵانەی کە گوتارێکی هەیە دەربارەی تایەفەیەکی دیاریکراو، هەر لە کەسە نزیکەکانی ئەو کەناڵەن .

ب- نزیکەی ٨٥% لە میوانی ئەو کەناڵانەی کە لەلایەن هێزە سیاسیەکانەوە پارەدار دەکرێن، بریتین لە نوێنەرانی سیاسی ئەو هێزە سیاسیانە لە پەرلەمان یان ئەندامی حیزبی پارە بەخشن بەو کەناڵانە، یان شرۆڤەکاری سیاسین لەژێر باڵی ئەو هێزە سیاسیانەدا.

ج- چاودێرەکانی "بیت اڵاعلام العراقی– ماڵی راگەیاندنی عێراقی" ڕێژەی (١٠%)ی میوانەکانیان تۆمارکردووە، بۆ دەرکەوتنی میوانەکان لە توێژی نوسەران، راگەیاندکاران، ئەکادیمیەکان.

د- چاودێرەکانی "بیت اڵاعلام العراقی– ماڵی راگەیاندنی عێراقی" ڕێژەی نزیکەی (٩٠%)ی میوانەکانیان وەک ڕێژەی دەرکەوتنی سیاسیەکان وشرۆڤەکارانی بواری سیاسی تۆمارکردووە.

ه- ئەندامانی حکومەت لە بەرنامە گفتوگۆ ئامێزەکاندا بەڕێژەی ٣٠% دەرکەوتون، لەکاتێکدا ئەندامانی ئەنجومەنی نوێنەران بەڕێژەی ٧٠% دەرکەوتون.

و- ڕێژەی دەرکەوتنی پیاوان لەبەرنامە گفتوگۆ ئامێزەکاندا نزیکەی ٩٤% دا بووە، لەکاتێکدا ڕێژەی دەرکەوتنی ژنان نزیکەی ٦% بووە، لەگەڵ تێبینی کردنی دوبارە بونەوەی هەمان دەموچاوەکان لە ژناندا لە ماوەی چاودێریکردنەکەدا.

ز- هەر سێ سەرۆکایەتیەکە لەوبەرنامە گفتوگۆ ئامێزانەی کە چاودێریکردنەکە گرتونیەتەوە، تەنها بەڕێژەی ٢% دەرکەوتون.

٢- گوتار

چاودێرەکانی "بیت اڵاعلام العراقی– ماڵی راگەیاندنی عێراقی" لە میانەی رووماڵکردنی بەرنامە گفتوگۆ ئامێزەکاندا لە نیوەی یەکەمی ساڵی ٢٠١٥ دا، تێبینی چەند ئاستێکی جیاوازی گوتاری ڕاگەیاندنیان کردووە:

ڕ- بەکارهێنانی ئەو دەستەواژانەی بەکاردێن بۆ جنێودان وتانەدان بەشێوەیەکی راشکاوانە.

ب- لێدوان خستنەڕووی زانیاری بەبێ بەڵگەو گەواهی، وپشتبەستن تەنها بە "ڕا"ی میوانەکە.

ج- پەنابردن بۆ هاتوهاوارکردن وشەڕە قسە، ولەدەستدانی کۆنترۆڵکردنی گفتوگۆکان لەلایەن پێشکەشکارانی بەرنامەکانەوە.

د- ئاراستەکردنی تۆمەتی "ڕەها" سەبارەت بە "تیرۆر، تێوەگلان، خیانەت" کە ئەمەش گشتگیر دەبێت لە دژی پێکهاتەی ئاینی وکۆمەڵایەتی دیاریکراو.

ه- تانەلێدان بەبێ بەڵگە.

و- گومڕابوون وسەرلێتێکچونی پێشکەشکاران بەهۆی وەڵامی میوانەکانەوە.

ز- قۆستنەوەی دۆسیەی سیاسی وئەمنی وەک "داعش، حەشدی شەعبی، سوپای عێراقی، ناکۆکی نەوتی" بۆ خستن ولێدانی هەندێک هێزی سیاسی.

ح- زمانی گریمانەکان وخستنە بازاڕی ئەو گریمانانە بۆ جەماوەر وبینەران وەک ڕاستی حاشاهەڵنەگر.

٣- ڕێساکانی گفتوگۆ

ڕ- چاودێرەکانی "بیت اڵاعلام العراقی– ماڵی راگەیاندنی عێراقی" تێبینی ئەوەیان کرد کە هەندێک لە بەرنامە گفتوگۆ ئامێزەکان وەکو پێویست کاتەکانیان ئیدارە نادرێت، وزوربەی جار کاتی ئەڵقەکە تەواو دەبێت بەبێ ئەوەی گفتوگۆکردن لەسەر تەوەرەکە تەواو بووبێت یان گەشتبێتە ئەنجام .

ب- هەندێک لە پێشکەشکارەکان شکست دەهێنن لە داڕشتنی پرسیاری راستەوخۆ لە کاتێکی دیاریکراودا.

ج- هەندێک لە پێشکەشکارەکان پرسیاری گریمانەیی ئاراستەی میوانان دەکەن.

د- هەندێک لە بەرنامەکان کۆنترۆڵکردنیان لەدەستداوە بەسەر تەوەری ئەڵقەکەیان، تێرکردنی سەرجەم تەوەرەکانی، بەهۆی لادانی میوانەکان لە بابەتەکە بەوەڵامێکی دوور لە ئامانجی ئەڵقەکە.

هـ- هەندێک لە بەرنامە گفتوگۆ ئامێزەکان سەرکەوتوو نەبوون لە دابەشکردنی دادپەروەرانەی کات لە نێوان میوانەکانیاندا.

و- هەندێک لە بەرنامە گفتوگۆ ئامێزەکان میوانداریان لە تەنها یەک میوان کردووە بۆ قسەکردن لەسەر پرسێکی سیاسی یان ئەمنی پەیوەندار بە چەند لایەنێکی جیاوازەوە.

٤- زمان

چاودێرەکانی "بیت اڵاعلام العراقی– ماڵی راگەیاندنی عێراقی" بەبێ دەستوەردان وبەبێ لایەنی هەستاون بە تۆمارکردنی دەقی ئەوەی کە ووتراوە لەلایەن میوانەکان وپێشکەشکارەکانەوە لەو بەرنامە گفتوگۆ ئامێزانەی کە ڕووماڵەکە گرتونیەتەوە(تەماشای هاوپێچی ڕووماڵەکە بکە)، ولەئەنجامدا ئەم پوختانەیان دەستکەوت:

ڕ- میوانەکان هەندێک دەستەواژەیان بەکارهێناوە وەک "نیمچە پیاو، خیانەتکاران، دزان، بکوژان، هاوکاران لەگەڵ (...)، دەنگی وەڕیو".

ب- هەندێک تۆمەت باسکراوە وەک "پێدانی زانیاری بە دەوڵەتی کوەیت، پەیوەندی بەهێز لەگەڵ ئیسرائیل، سەفەویەکان، حکومەتی سەفەوی، سیاسیە داعشەکان، بەکرێگیراوی دەوڵەتانی پارەدارکەری تیرۆر، وەهابیەت".

ج- هەندێک لە میوانەکان پەنایان بردۆتەبەر بەکارهێنانی تۆمەت وەک "پەرلەمانتار و وەزیری وا هەن تەقینەوە ئەنجام دەدەن وکاری تیرۆرستی دەکەن"، یان "مەسعود بارزانی موسڵی فرۆشت"، یان "مالیکی ئەنباری وێرانکرد"، یان "هادی ئەلعامری بەرهەمێکی ئەمریکی ئێرانیە"، یان "ڕەوەندی فارسی لە ناوچەی سەوز"، یاخود "سوننە داعشەکان".

د- بەکارهێنانی هەندێک زاراوە وەک "حەشدی تایەفی"، "خوێنی عێراقیەکان لە گەردنی ئال سعود وئاردۆگانە".

هـ - هاندان کراوە دژ بە ڕۆژنامەنوسە عێراقیەکان لەڕێگەی داواکاری یەکێک لە سیاسیەکان کە وازی لەکار هێناوە لە کەناڵی "سی ئێن ئێن" بە وەسفکردنی بەوەی "ڕووەکەی تری داعشە".

٥- شێوە وناوەرۆکی گفتوگۆ

ڕ- چاودێرەکانی "بیت اڵاعلام العراقی– ماڵی راگەیاندنی عێراقی" تێنینیان کردووە کە ئەو تەوەرانەی گفتوگۆیان لەبارەوەکراوە لە بەرنامە گفتوگۆ ئامێزەکاندا پشبەست بوون بەو بابەتانەی لەسەر پێگە وتۆڕە کۆمەڵایەتیەکان بڵاوکراونەتەوە، لەوانەش دوبارە پەخشکردنەوەی دۆکۆمێنت و وێنە وگرتەی ڤیدیۆیی بەبێ دڵنیابوون لە راستی ودروستیان، وە باسیشکراون لەسەر زمانی پێشکەشکار یان میوانەکانی.

ب- پێشکەشکاری بەرنامەکان، یان میوانەکانیان دەستەواژە یان بیرۆکەی باوی سەر پێگە وتۆڕە کۆمەڵایەتیەکانیان بەکارهێناوە، هەروەک چۆن لە هاشتاک رویدا، کە ئاماژەی بەو جەدەلە بەردەوامە دەدا دەربارەی روداوەکانی تاڵانی کە دوچاری شاری تکریت بوون لەپاش رزگارکردنی.

ج- زۆرینەی بەرنامە گفتوگۆ ئامێزەکان پشتیان بە شێوازی میوانداریکردن بەستووە لەڕێگەی ئامێری وەرگرتنەوە "ئێس ئێن جی"، وەک لە میوانداریکردن لە ستۆدیۆ، وبەڕێژەیەکی کەمتریش میوانداریکردن لەڕێگەی هێڵی تەلەفۆنەوە.

د- کەناڵە ئاسمانیەکان تەکنیکی شێوە وشێوازیان فەرامۆش کردووە، لەوانەش پێشخستنی دیکۆری ستۆدیۆ، سروشتی ڕەنگە جێبەجێکارەکان.

نۆیەم: زۆرترین دەرکەوتووەکان

خشتەیەک ڕێژەی دەرکەوتنی میوانەکان روون دەکاتەوە لە سەرجەم ئەو ئەڵقانەی چاودێریکردنەکە گرتونیەتەوە.